針對便秘,排便湯

有啲OL朋友平時都會出現便秘情況,兩三日都屙唔出,個肚谷住脹住,甚至令面上起粒粒,真係好辛苦!喺嗰個moment,個個都想做「直腸直肚」嘅女人!OL好多時會因飲水少、久坐而不動而便秘。在中醫角度,便秘主要是由燥熱內結,氣機鬱滯,津液不足及脾腎虛寒所致,令到「氣內滯而物不行」,氣虛血虛而搞到大腸無力排送糞便。

為便秘而傷腦筋的朋友,宣多吃新鮮蔬菜及多喝水,晨早起牀後飲杯鹽水,能有軟化糞便及清潔腸道之效。食物方面,可吃點馬鈴薯、洋葱、蘿蔔等容易產氣的菜,有助腸道蠕動,排便就會易啲!而針對便秘,今次教大家煲「馬鈴薯苦瓜湯」。

馬鈴薯苦瓜湯(2人分量)

材料 :馬鈴薯150克  苦瓜100克  無花果100克
做法 :1. 將馬鈴薯、苦瓜及無花果洗淨,苦瓜去籽切件,
    馬鈴薯去皮切塊,備用。
   2. 煮滾8碗水,放入所有材料,滾起後轉用中慢火煲45分鐘,
    下鹽調味,即成。
功效 :明目解毒、清肝排毒、清腸通便。
備註 :低血糖患者、兒童及孕婦不宜吃大量苦瓜

沒有留言:

張貼留言